Home » Golaine “Mîts, Flabis e Liendis dal Friûl storic” » Friûl des culinis III

Friûl des culinis III

Anade di publicazion:2011

Dipartiment: ,

Friuli Collinare 3 - il gemoneseCURADÔRS: Gianfrancesco Gubian, Guido Sut

Lis dolcis culinis morenichis dal Friûl centrâl a polsin suntune plane di gravis come i oms une volte sul jet di scartòs. Nô o vin vût il timp di cambiâlu, il jet, lôr si cjatin ben cun sot la glerie, l’arzile, il savalon, lis pieris e la aghe. No si lamentin e a fasin viodi la lôr biele muse simpri ridint e solâr. Al è daûr di lôr che si cjate il piês, ancje se nol è cussì evident: a son lis monts des Prealps li che al vîf, ancje tai nestris dîs, un mostri: l’orcul o l’orcolat. No stin disturbâlu, lassìnlu cuiet. Content di vê fat la fruce minuce di agns daûr, lassìnlu cul so gust, tes vissaris de tiere. Mancul si çugne, chel malandret, e miôr al è. Anìn, invezit, a viodi ce che si cjate fûr e sore: tai paîs, boscs, crets, flums, lâcs. Passant di corse pes stradis des valadis, si viôt nome chest paisaç e nus par biel, salvadi ca e là, vert, grîs, colorât in Autun, come il cori svelt de pelicule di un documentari.

I oms e lis feminis di Glemone, di Bordan, di Trasaghis, di Montenârs, di Dartigne, di Forgjarie, di Osôf, di Vençon, di Magnan e di Trep, che si son insediâts li e che a vivin li e che no àn che presse di cori come i camions e lis machinis; a viodin, a sintin, a nasin altris robis: flôrs, jerbis, resine, paugnis, noglârs, faiârs, peçs, savôrs, profums, rumôrs, sunsûrs e cisics.

[…]

LUIGI GEROMET
President dal Istitût “A. Tellini”